FSIE 40 años

FSIE REXEITA AS CRÍTICAS DALGUNHAS ORGANIZACIÓNS Á SÚA LEXÍTIMA DECISIÓN DE NON FIRMAR O ACORDO DE CONTROL HORARIO

Cartel Control de JornadaComo informabamos a semana pasada, FSIE mantivo a súa negativa a asinar o Acordo sobre o Control e Rexistro Horario subscrito polo resto de organizacións sindicais e as patronais na Mesa Sectorial da Concertada celebrada o día 6 de xuño. Nos últimos días algunhas desas organizacións criticaron duramente a lexítima decisión adoptada, desde a súa total independencia, por FSIE.

Desde a organización rexeitamos as devanditas críticas e seguimos defendendo que a firma foi completamente precipitada, sen traballarse coa debida profundidade os aspectos que recolle, e que varios dos seus puntos modifican, sen melloralo, o establecido no Convenio relativo aos tempos libres entre clases, o tempo de recreo e as horas extraordinarias.

FSIE NON FIRMA O ACORDO SOBRE O CONTROL HORARIO

Control Jornada FinalFSIE, tras o período de consulta comunicado o pasado día 6 de Xuño na Mesa Negociadora, decidiu non asinar o Acordo subscrito nese día polas organizacións patronais e o resto de sindicatos.

As clarificacións e melloras son escasas e a modificación dalgúns aspectos do convenio colectivo en relación aos recreos e tempos libres entre clases, son un claro retroceso para os docentes que poden xerar máis conflito nos centros.

FSIE segue considerando que a firma foi precipitada, non se aceptaron algunhas das nosas propostas de mellora do texto sobre o que se estaba traballando e, finalmente, o Acordo non profunda nin achega criterios que poidan axudar a resolver a maioría dos problemas que van xurdir nos centros.

 Banner Decalogo2

Temos 75 anónimos e ningún membro en liña