Coincidindo coa apertura gradual dos procesos de escolarización, FSIE lanza un ano máis a súa campaña de apoio á escolarización en centros concertados que imparten Formación Profesional reafirmando así o seu compromiso coa defensa da liberdade de elección e mostrando así o seu apoio ao alumnado e ás familias para elixir a educación que mellor se adapte ás súas conviccións e necesidades.

Nun ano escolar que puxo a proba á sociedade en xeral e ao sistema educativo en particular, desde FSIE queremos aproveitar a ocasión para lanzar unha mensaxe especial de ánimo a aqueles mozos que teñen que elixir o seu seguinte paso nun momento difícil e infestado de incerteza.

O Ministerio de Educación y Formación Profesional, a través do INTEF, convoca a 2ª edición de cursos tutorizados de Formación en liña para o profesorado na que ofertan un total de 16 cursos.

A descrición dos cursos, incluída a información necesaria para a inscrición, pódese consultar na páxina da sede electrónica do Ministerio de Educación y Formación Profesional, na que se irán publicando tamén as novidades relativas á mesma. Máis info

Trasladamos ao Ministerio a nosa preocupación pola tramitación da LOMLOE ademais de numerosas achegas para o curso 2020/21.

O Secretario General de FSIE, Javier Muñoyerro, e o Secretario de Organización, Jesús Pueyo, mantiveron esta mañá unha reunión por videoconferencia co Ministerio de Educación que estivo representado polo Secretario de Estado de Educación, Alejandro Tiana, e polo Director General de Planificación y Gestión Educativa, Diego Fernández.         

Con relación á tramitación parlamentaria da LOMLOE, FSIE considera que nin é o momento nin son as formas adecuadas para proceder á aprobación dunha nova lei que nacerá sen consenso e sen financiamento. Nestes momentos, existen outras prioridades máis urxentes como a organización e desenvolvemento do próximo curso escolar que vai seguir requirindo dun gran esforzo por parte dos profesionais, alumnado, familias e administracións.

Instrucións do 28 de maio de 2020, da Dirección Xeral de Educación, Formación Profesional e Innovación Educativa pola que se amplían e concretan determinados aspectos das Instrucións do 27 de abril de 2020 para o desenvolvemento do terceiro trimestre do curso académico 2019/20, nos centros docentes da Comunidade Autónoma de Galicia.

A excepcionalidade que estamos a vivir como consecuencia da crise sanitaria provocada pola pandemia do COVID-19 impactou tamén no sistema educativo. Ocasionou un drástico cambio desde mediados do mes de marzo condicionando completamente o final de curso e prevese que, en maior ou menor medida, poida seguir facéndoo durante o curso escolar 2020/21.

A experiencia acumulada durante o período en que a actividade lectiva presencial foi suspendida debe servirnos de aprendizaxe para mellorar as decisións e medidas que se deban adoptar e, especialmente, solucionar os problemas que se detectaron neste tempo na aplicación da modalidade de educación a distancia.

Coa gradual volta á normalidade e coincidindo coa reapertura graduada dos procesos de escolarización nas Comunidades Autónomas, FSIE lanzou un ano máis a súa Campaña de Escolarización en centros privados de Educación Infantil, de 0 a 3 anos, co obxectivo de mostrar o seu apoio tanto aos profesionais e centros como á liberdade de elección das familias.

Baixo a lema "A importancia dos primeiros pasos", FSIE quere ademais pór especial énfase na relevancia que dita etapa tén no desenvolvemento e no futuro dos máis pequenos.

A actual crise sanitaria puxo de relevo o papel esencial da Educación Infantil como servizo fundamental e de indubidable valor á sociedade para o desenvolvemento dos nenos e a conciliación da vida familiar.