Comunicación.

Sempre ao teu carón.

Actualidade

Actualidade e acción sindical.

Loitando ao teu carón.

Ver as novas

Acordo de xubilación parcial do ensino concertado.

A Consellería de Educación e as organizacións empresariais e sindicais do ensino concertado firman este acordo que se aplicará a partir de setembro e que beneficiará a uns 400 profesionais.

Ler o acordo

Fotografías do acto

Novo Secretariado Federal para os vindeiros catro anos.

O mércores 10 de abril de 2024 FSIE GALICIA celebrou o Consello Federal, máximo órgano de representación do sindicato no que se elixiu un novo Secretariado Federal para o próximos catro anos.

O presidente elixido é Rogelio Fariñas, a nova Secretaria Federal Yolanda Benito, o Secretario de Finanzas Rodolfo Castro, o Secretario de Acción Sindical Joaquín Martínez, a Secretaria de Organización Marta Consuegra, a Secretaria de Comunicación e Novas Tecnoloxías Mónica Fernández, o Secretario de Coordinación Educativa Luis Román Suárez e o vogal Óscar Cofán. No Consello Federal ademais fíxose balance do ano 2023 e dos procesos electorais celebrados.

Empezamos unha nova etapa con moita ilusión e dispostos a seguir prestando desde FSIE GALICIA o mellor servizo aos nosos afiliados, delegados e ao sector do ensino privado concertado.

Fotografías do acto

FSIE GALICIA ACADA O COMPROMISO DA XUNTA PARA QUE AS COORDINADORAS E COORDINADORES DOS EQUIPOS DE DINAMIZACIÓN DA LINGUA GALEGA COBREN O COMPLEMENTO QUE SÍ ESTÁN A RECIBIR NO ENSINO PÚBLICO.

O Secretario Xeral de Política Lingüística da Consellería de Educación, Valentín García, recibiu hoxe ao Secretario Federal de FSIE GALICIA.

A reunión discurriu nun clima de cordialidade e o Secretario Xeral de Política Lingüística comprometeuse a estudar co Director Xeral de Centros a nosa reclamación de que as coordinadoras e os coordinadores dos equipos de dinamización da lingua galega cobren o complemento que sí reciben os homónimos do ensino público. Valentín recoñeceu que é unha situación inxusta e que efectivamente as coordinadoras e os coordinadores dos equipos de dinamización da lingua dos centros concertados teñen os mesmos dereitos administrativos e económicos que os homónimos da pública. Igual traballo, igual salario.

En definitiva, FSIE GALICIA consigue o compromiso de poñer este tema enriba da mesa e que nos próximos meses se faga un estudo do custo económico e se inclúa nas partidas orzamentarias da Consellería de Educación.


FSIE GALICIA segue apostando pola interlocución coa Consellería e consigue resultados. A primeira pedra xa está posta.

Acordo de recolocación no Ensino concertado.

Acordo entre a Consellería de Cultura, Educación, Formación Profesional e Universidades e as organizacións empresariais e sindicais do ensino privado concertado de Galicia sobre medidas de recolocación do profesorado afectado pola modificación das unidades concertadas.

Ler o acordo Nota FSIE Informa

Fotografías do acto

FSIE GALICIA consigue o compromiso da Xunta de suprimir o menor número de unidades e manter o emprego na Concertada.

Tras a reunión mantida en San Caetano entre o Secretario Xeral de FSIE Galicia, Rodolfo Castro Fernández, e o Director Xeral de Centros e Recursos Humanos da Consellería de Educación, Jesús Manuel Álvarez Bértolo, FSIE Galicia conseguiu que a Xunta se comprometa a facer esforzos para mellorar as condicións laborais e salariais do profesorado da Concertada.

Ler máis

1. Esixencia dun acordo de mantemento do emprego.

2. Esixencia do pagamento do complemento por coordinación de equipos de dinamización lingüística.

3. Esixencia do pagamento de sexenios na educación concertada.

4. Esixencia dunha reunión para tratar os principais temas que máis preocupan aos profesionais da ensinanza concertada.

En portada.
FSIE-Galicia estrea nova web.

O novo sitio web oficial de FSIE-Galicia xa é accesible a para todos aqueles afiliados e profesionais do ensino que desexen informarse das novidades do sector.

Con esta nova plataforma en liña, agardamos que o proceso de comunicación con todos vós sexa máis fluído e inmediato.

Benvidos a unha nova era.

© Copyright 2024 FSIE-Galicia - Tódolos dereitos reservados. Website deseñada e programada por Ingenion®